#ლექსები
ნინო დარბაისელი
ბეთ ლეჰემი. ქალი - ბეღელთან
მე საკუთარმა დედამთილმა მე .... ბერიკაცთან ჩამაწვინა და თანაც მთვრალთან! მიწის გულისთვის ჩამაწვინა, მიწის გულისთვის, მდიდარიაო, ასე მითხრა, გვიპატრონებსო, ჩვენს მიწებს გამოისყიდისო, კარგი პატრონი ხომ გვჭირდებაო.
კაცმა ვეღარა აწამა, რა, შუაღამისას თავის ფეხებში შეწოლილი როცა მიხილა! ორი დღის წინ კი “შვილო, შვილოო”, ასე მეძახდა. იმის ყანაში ვკალმასობდი, ჯერ კიდევ სველი ბალახებით ფეხდასერილი, გვიანობამდე, მცხუნვარე მზეზე პირგამშრალი.
აი - ამბავი იმღამინდელი, მერე - სანდალი, მერე - კანდელი და საქორწინო, მარმაშიანი ჩემი მანდილი და ბედი ჩემი - არდაბინდული.
მოსავალია არნახული წელს ბეთ ლეჰემში, ვდგავარ ბეღელთან და პირველად მუცელსავსე - მზეს ვეფიცხები, ნეტავი, ძეა თუ ასული? … რადგან პირველი, თუ ძე გამოდგა - წესის მიხედვით, მარასია, მარასი - ჩემი დედამთილის. ჰო, დღეს მარაა, მარა - მწარე, ხოლო ნაომი - ადრე იყო, მე რუთი მერქვა - თანამგრძნობელი, მე მოაბელი რუთი ვარ და რუთად დავრჩები.
მაინც როგორი გამომადგა?! ღამით ფეხები უცივდება ახალჩაწოლილს, მაგრამ ნიადაგ გული აქვს თბილი, ტკბილია ჩემი ბერიკაცი, ვუყვარვარ ნაზი და ლამაზი, არ იცის ბრაზი, გონმახვილია, სიტყვამტკიცე, მართლა სუყველას პატრონია ჩემი ბოაზი.
მოსავალია არნახული ამწლევანდელი, ვერ გაჩერდება მუშახელად ვინმე უნდილი, დასაჭერია თადარიგი, ჩვენ - ჯერ ლხინი გვაქვს გადასახდელი. დიდი ლხინი გვაქვს გადასახდელი, შენ კი - მანდ ელი. შენ - მანდ ელი, განუწმენდელი თუ განწმენდილი რომ ჩემი შვილთაშვილისაგან, დავით მეფისგან, ჰო, მეფსალმუნე დავითისაგან, იმისი შვილთაშვილებისგან მოვა მანდ ალი, მოვა მანდ ალი - მადლის მთოვარი, თვით უფლისაგან მოვა ამქვეყნად ის - მაცხოვარი…
კიდეც მოვიდა, კიდეც წავიდა, დავბრუნდებიო, დაიბარა და ისევ ელი, შენ მანდ ელი, მანდ ელი, ელი!
კომენტარები |
ილუსტრაციები |
რეცენზიები |
|
9. საოცარი ლექსია, ძლიერი ემოციური ფონით და შენთვის დამახასიათებელი პროფესიონალიზმით შესრულებული! <3
საოცარი ლექსია, ძლიერი ემოციური ფონით და შენთვის დამახასიათებელი პროფესიონალიზმით შესრულებული! <3
8. უბრალოდ, დიდებული!!! უბრალოდ, დიდებული!!!
7. დიდი მადლობა მზია, ბენ ჰურ, ლაშა. და და ახლა წარმოვიდგინე, რა საშინელება იქნებოდა თქვენ თუ სხვა რომ გიჟდებოდეთ იმაზე, რასაც ვწერს. მე თვითონ ვერ ვიტან ძირითადად და ავტოკრიტიკულადაც განვიხილავ. ათასნაირ სისულელეს ვწერ იმისათვის, რომ არც მე მოვიწყინო და არც ჩემმა მკითხველმა. მოსაწყენობაა ყველაზე გულსაკლავი სიტყვა ჩემთვის, როგორც ავტორისათვის. დიდი მადლობა მზია, ბენ ჰურ, ლაშა. და და ახლა წარმოვიდგინე, რა საშინელება იქნებოდა თქვენ თუ სხვა რომ გიჟდებოდეთ იმაზე, რასაც ვწერს. მე თვითონ ვერ ვიტან ძირითადად და ავტოკრიტიკულადაც განვიხილავ. ათასნაირ სისულელეს ვწერ იმისათვის, რომ არც მე მოვიწყინო და არც ჩემმა მკითხველმა. მოსაწყენობაა ყველაზე გულსაკლავი სიტყვა ჩემთვის, როგორც ავტორისათვის.
6. მე ჩემს დღიურში წავიღე ეს ლექსი ნინო დარბაისელის, ის ელის, ელის, მეც ველი... ელი! მე ჩემს დღიურში წავიღე ეს ლექსი ნინო დარბაისელის, ის ელის, ელის, მეც ველი... ელი!
5. მე არ ვგიჟდები თქვენს პოეზიაზე . იმედია არ გეწყინებათ ))
მაგრამ ეს იმდენად მომეწონა , რომ თქვენს სხვა ლექსებს თავიდან წავიკითხავ ..
5 მე არ ვგიჟდები თქვენს პოეზიაზე . იმედია არ გეწყინებათ ))
მაგრამ ეს იმდენად მომეწონა , რომ თქვენს სხვა ლექსებს თავიდან წავიკითხავ ..
5
4. საინტერესოა. ფრიადი
საინტერესოა. ფრიადი
3. მადლობა ქეთი, ჯონათან, ვერ წარმოიდგენთ , როგორ გამახარა თქვენმა კომენტარებმა. სადაბადებისდღეო საჩუქრად მივითვლი. მადლობა ქეთი, ჯონათან, ვერ წარმოიდგენთ , როგორ გამახარა თქვენმა კომენტარებმა. სადაბადებისდღეო საჩუქრად მივითვლი.
2. ქალბატონო ნინო,
ამ საიტზე შემოსვლა თუნდაც იმისთვის ღირს, რომ თქვენი არაჩვეულებრივი ნაწერები წაიკითხოს ადამიანმა.
მიყვარს თქვენი შემოქმედება. ქალბატონო ნინო,
ამ საიტზე შემოსვლა თუნდაც იმისთვის ღირს, რომ თქვენი არაჩვეულებრივი ნაწერები წაიკითხოს ადამიანმა.
მიყვარს თქვენი შემოქმედება.
1. რა კარგადა გაშლილი ბიბლიური მოტივი.
როგორი საოცარი ადგილია ბეთლემი- ღმერთკაცების საბადო.
დედამთილის მოყვარული რუთი :)
რა კარგადა გაშლილი ბიბლიური მოტივი.
როგორი საოცარი ადგილია ბეთლემი- ღმერთკაცების საბადო.
დედამთილის მოყვარული რუთი :)
|
|
მონაცემები არ არის |
|
|