მზე რა მერყევია - ხან ადის, ხან ჩადის...
მთვარეც ხან სავსეა და ხანაც ნახევარ.
ბოლოს დროს, მეც რყევებს დავუამხანაგდი
და ახლა ნამდვილი "ორმაგი სახე" ვარ.

ტყუილი, სიმართლე,
შფოთი და სიმშვიდე,
პირველ-მეორეზე ერთმანეთს ითვლიან.
სანამ ეს კონტრასტი ფსიქოს ამიშლიდეს
და სანამ სახელიც გიჟის გამითქვია,

უნდა შევაჩერო ორმაგი თამაში,
წერტილი დავუსვა ამ უკუღმართობას.
ერთ სახეს დავჯერდე, ურყევად და მაშინ
შევძლებ მე განღმრთობას...