მზის სხივი გიწვავს კანსა და ფორებს,
მელურჯზეცები,
ქარი, მზის ნავით ღრუბლებს აბოლებს..
და გილუკმებენ თვალით მხეცები,
და პლაჟზე ხდება "რევოლუცია",
გაპროტესტებენ,
და წვიმა გცვივა პირსახოციანს,
და თანხმდებიან ურცხვი ჟესტებით,
და ოცნებობენ ისე დაგხიონ,
და დაგიხიონ,
როგორც დროშა თავისუფლების,
მერე კი შენი ძვლებით მოწიონ შენივე ხორცი,
აკანკალებულ ლაშებზე მოსდით მდუღარე დორბლი,
თვალები ლურჯი,
კანი კიდევ მთლიანად ხორბლის
ფერია და ხარ ისე ნაზი,
როგორც ემბაზი ედემისა,
ადამისა და ევას მოსვლამდე