კატამ რომ ვერ შეგაშინოს,
-არიგებდა თაგვი შვილს,
ყველაფერი ჭამე, რასაც
მაგიდაზე გაგიშლი.

გაიზრდები ძლიერი და
კატას აქეთ დააფრთხობ.
რეცეპტებსაც მოვიძიებ,
რომ არ გახდე სამარხვოდ.

თუ არ შეჭამ პაწაწინა,
დამიჯერე, იცოდე
ჭიანჭველაც შეგაშინებს.
ჭამე დედას სიცოცხლევ.

რა კარგია! -გაიხარა
პაწაწინა წრუწუნამ.
მომკლა შიშში ცხოვებამ და
სათაგვეთის წუწუნმა.

დედა რასაც გამიმზადებს,
არ დავტოვებ შეუჭმელს.
უქმად დრო რომ არ დავკარგო,
უნდა ჭამას შევუდგე.