წვიმა…თუ?
აკაციის ყვავილთა ცვენა.
ქარი თუ...
მზის სხივებით ნაწრთობი ვნება
ვნება ცივი და მივიწყებული,
ვნება ოდესღაც კუპიდონის
ისრით შობილი,
დავიწყების მტვერ დადებული;
გაციებული.
ისევ წვიმა, ისევ ქარი
და აკაციის ყვავილთა ცვენა.
ისევ დინება გულში
მდუღარე სისხლის.
მივიწყებული ვნების ფეთება
და აფეთქება.
დავიწყება თუ არ დავიწყება,
გახსენება თუ ხელახლა შობა.
ვიცი? არ ვიცი
ისევ წვიმა, ისევ ქარი
და აკაციის ყვავილთა ცვენა.