ნინო დარბაისელი

ეტიუდი წილხვედრობისა
- - -

შენ არაგვო, თეთრ-შავაო  და შენც, დამსხვრეულო თერგო,
რა იცოდა ღვთისმშობელმა, თურმე საქართველო ერგო!
წინაპართა საცხოვრისში ჩარჩენილო ხორბლის დერგო;
ენერგიავ, თითო გოჯში ჩაქცეულო ასო ერგო,
ნუ ილევი, მტრის გზა-კვალი დღესაც  უნდა გადახერგო!
რაც მტარვალმა მიიტაცა, ჩვენი ცოდვით არ შეერგო.
ახლა მაინც ახეხილდი, შორით გადმორგულო ნერგო!
წილხვედრი ვართ ღვთისმშობლისა, ღვთისგან საქართველო ერგო!