მიყვარს თქვენი ბალადები.

მადლობა, ვამანო!

არ ვიცი, რატომ მოუვიდა ასე .
არ ემატება პოსტში
კომენტარად დავდებ აქ

ნინო დარბაისელი

ალამო

      (1836 6 მარტს  ტეხასში  მდებარე ციხე "ალამო"  საკუთარმა გენერალმა ჰიუსტონმა გაწირა -  მტერს შეატოვა და არ დაეხმარა.
  მან იცოდა, რომ იქ ყველა  ბოლომდე იბრძოლებდა და დაიღუპებოდა. ამით  მტერი  ძალზე დაასუსტა, დროც მოიგო და მერე მთლიანი ომიც. 
      სიცოცხლეშივე გმირი მონადირე, - "მყვირალა" დევი კროკეტი - მექსიკელთა გენერალმა სანტა-იანამ ცოცხლად შეაპყრობინა, როგორც ყველაზე მედგარი მოწინააღმდეგე  და  საჯაროდ დაახვრეტინა.
      დღეს იქ,  მუზეუმში, სხვა სევდიან ნარჩენებთან ერთად, დაცულია ყველა იმ შტატის ალამი, რომლის მეომარიც დაიღუპა ბრძოლაში).

ნანგრევებო, ნამწვავებო
და კედლებო ნავაებო,
ალამო და ალამო!

ციხე იყავ,  რაღა დარჩი,
ტყვიის ცეცხლში და ავდარში
გიხსნა  ვერა ძალამო!

მოგიხმარეს იარაღად,
უშუშარი იარა ხარ,
გშველის  ვერა მალამო!

თურმე ზოგჯერ ისე ხდება,
მწარე ბრძოლა თუ გიხდება,
მთელს ჯარს გადამალავო,

სტრატეგიულ  გზასა პოვებ:
მტერს - შენს ციხეს შეატოვებ,
შეაკვდესო  ალამო,

ხერხემალში რომ არ გავტყდეთ,
ფრონტი  ალამოელ სალ-კლდეთ
ვანდოთ, გაძლოს  მალამო!

რაც ზარბაზნებს გადაურჩა,
საბოლოოდ დაწვა ურჩად
მოგუზგუზე ჩალამო.

უტეხელის, კერკეტისა
ბრდღვინვა მესმის კროკეტისა,
ვერ გადმოსცემ,  კალამო!

ვერ შემუსრა ცეცხლის ალმა,
მაგრამ მოკლა გენერალმა,
იმისმა ამალამო.

მაღლა  - ზეცამ მეტი იცის
გატეხილის იმა ფიცის,
ფეხქვეშ - ნეშომპალამო.

ჯავრის აბლაბუდას აბამ,
მუზეუმში იცის კაბამ,
ჭინჭის დედოფალამო.
 
კიბისქვეშ რომ ალაგია,
ნარჩენები ალაგია,
გამოხრა სამსალამო!

ჩვილიანი დედებია,
ლანდად არეს ედებიან,
იცის თავისქალამო.

ვტირი, ისევ მეტირება,
მომავლისთვის შერკინება,
განწირულთა  შერკინება..
თქმის არა მაქვს მეტი ნება,
(“სხვათა გრძნობებს ეტკინება”)…
გარდასულთა სალამო,
ალამო და ალამო!

ბალადა არ დევს ქ-ნო ნინო :)