ჰქვია "იმედი ელი",
გაქვს იმედი და ელი,
მთელი ახალი წელი,
ძველით ახალი წელი,
მაგრამ ვერაფერს შველი,
კვდები სიკვდილით ნელით,
ფილტვი, ბრონქი და ყელი
ჩახეული გაქვს ხველით.
ის კი არ რეკავს ტელით
არც სოციალურ ქსელით.
ის მხოლოდ ფულში გწველის
და სურს დაგადოს სველი.
შენ კი - მომხმარებელი,
მთელი ახალი წელი,
ძველით ახალი წელი,
წევხარ, კვდები და ელი
ზარს ექიმისგან ოჯახის
იკურთხოს მისი ოჯახი,
მისი პირადი ოჯახი
და კომპანიის ოჯახიც!