ვხედავ კივის დედაჩემი
სკამზე ასვლა მოუსწრია.
ხელში  ცოცხი, სახლის ჩუსტი
ერთად მოუმარჯვებია.
მამა მორბის დასახმარად
წამი ტყუილად არ გალია,
ნუ იკითხავთ თურმე სახლში
აღმოაჩინეს კალია. 
არ გაინძრე მიყვირიან,
დავიჭიროთ უნდა მტერი!
აქეთ იქით ვიყურები
ესენი თუ მე ვარ შტერი?!
კალიებთან თამაში ხომ
ბავშვობიდან მიყვარს ძაან,
ვაკვირდები ბალახებში
და ხტუნვაში მუდამ ვბაძავ.
მიყვარს მათთან თამაში და
მახალისებს მათი სიბრძნე...
ბევრს ჰქონია ჭრიჭინას ხმა
კალიებმა აითვისეს!
სახლში სრული ქაოსია,
დედა დახტის, მამა დასდევს,
ნეტავ ამ დროს ეს კალია
ამათ ქცევას რას დაარქმევს?!
იფიქრებს, რომ მუდამ ვკივით,
თავდასხმისთვის მუდამ მზად ვართ.
ასე როგორ შეაშინა
ვეებები ჩემ დანახვამ?!
როგორც იქნა მოახერხა
გადახტომა ფანჯარიდან,
მომვარდნენ და მეხვევიან
შეგაშინა იმ მახინჯმა?!
არ იდარდო, ამის მერე
აღარასდროს გვესტუმრება!
ამას თქვენ თუ სტუმრობად თვლით
შეგირცხვინეთ მასპინძლობა!