შენ გქვია ოდითგან ჰარიმან,
უნდიხარ მდიდარსაც, ღარიბსაც,
პირდები მიწიერ სამოთხეს,
სანაცვლოდ ქვესკნელში აფორთხებ...

ხორციელ სიკეთის ღვთაებავ,
ხაფანგში ურიცხვი გაება,
გესავენ ამსოფლის მეფენი,
ბეზირგანები და სეფენი,

გულბოროტთ აცდუნებ ამებით,
ჯერ თავს მოაჩვენებ არიფად
და სულებს ამოხდი წამებით,
როცა წარუდგები ჰარპიად,

საწუთრო ხანმოკლე, ჩქარია,
მზაკვარო სულების პარიავ,
ო, რა უთვალავი ჯარია,
სადაც გეენაა ჯარიმა!..

არიმან, აჰრიმან, ჰარიმან...

22 ოქტომბერი, 2022 წ.