ახლა ჩვენს შორის უფალი ჩადგა,
ვეღარასოდეს მოვალ შენამდე.
შენგან შორს ყოფნა- გრძნობებზე ჯვარცმა
დალოცვილი და  შეუქცევადი

გახდა... მორჩილად უნდა ვიყუჩო,
ბედს და ღმერთს რადგან ასე უნდოდათ,
რადგან გამწირეს შენი ჯვრისწერით -
სულის ტკივილით გარქმევ უცხო კაცს.

ხორცს კი სდის სისხლი... შეხორცებული
გაუყუჩებლად რომ  აგითალე.
ღმერთს ვერ მოვუგებ, შენთვის ბრძოლაში...
ერთხელ გიტირებ და დაგიმთავრებ...