ვიცი, დედას ძლიერ უყვარს
შოკოლადი, კანფეტები,
ტკბილეული თუ იშოვა,
იმ წუთში მე ვახსენდები.
ერთ ციცქნასაც არ მოაკლებს,
ყველაფერი მოაქვს ჩემთან,
მაგრამ მარტო არ მივირთმევ,
თუ არ ჭამა ჩემთან დედამ.

ყველაზე, ყველაზე
ყველზე ტკბილი, ყველაზე თბილი
არის ამ ქვეყნად დედა,
შვილის გასაჭირს, თუნდაც შორიდან
გულის თვალებით ხედავს.
გინდ დავაჟკაცდე, დედისთვის მაინც
ისევ პატარა რჩები.
დედიკოს გვერდით, გულის სითბოთი,
თვით ყინვაშიც კი ვთბებით.
უპირველესი, უსათუთესი
სიტყვა, რომ გიცავს ფარად,
დედა! ისმოდეს ყველა ენაზე
მთელ მსოფლიოში მარად.