ეს ეხება პოლიტიკოსებს, პოლიტიკოსებს და პილიტიკოსებს!
გთხოვთ, ყურადღება მიაქციოთ დადების თარიღს. ახალგაზრდებმა, რომელთა შორის ჩემი უახლოესებიც არიან,  სარწმუნოება  - თავის ადგილზე  მართლაც დააბრუნეს!  დიდი ასოებით დაწერეს თავისუფლების მოედანზე, სააღდგომოდ.
ამიტომ მაქვს მათი იმედი და კიდევ ამიტომ არ მჯერა, რომ რომელიმე პოლიტიკური ძალა მათ ბრმა იარაღად გამოიყენებს.
    მისაუბრია რამდენიმე მათგანთან და დავრწმუნებულვარ ამაში.  პოლიტიკოსები კი ჯერაც არ არიან აზრზე, ჩვენი ქართველი ახალგაზრდობის სახით… როგორც ინგლისურად იტყვიან,  “რა ჯინი ამოუშვეს ბოთლიდან”.
ვეღარ  აკონტროლებენ და ვეღარც გააკონტროლებენ მას.
ტყუილად ეტმასნებიან ახალგაზრდული ასაკიდან გამოსული ,, უფროსები”!
ფეისბუქზე მათ მიმართ დავწერე, ,, ვირს რქები არ ამოსდიოდა და თავი ჩოჩორი ეგონა - მეთქი”
    საქართველოს მომავალი არ არის არც დღევანდელი პოლიტიკოსებისა, არც ჩემი, არც თქვენი, ეს მომავალი მათია და არა ამ ჩამყაყებული პოლიტისტაბლიშმენტისა, სადაც არ უნდა იყვნენ მიკედლებულნი.
დღეს.
    ვეთაყვანები იმ მასწავლებლებს, რომელთა შორის ჩემი მეგობრებიც არიან, ყველაფერი გვერდზე რომ გადასდეს და მხარში უდგანან მათ.
   

ეს რამ დაგაწერინათ, ქალბატონო ნინო.
ძაალიან შორს ყოფილხართ აქაური რეალობისგან.
მეგონა, იმათზე მაღლა იდექით, ვისაც სჯერა. რომ გათხოვილი კაცები და ბუები მართავენ აქციებს

ფეისბუქზე კი მიდევს იმ ოდიოზური პოსტის სურათი, მაგრამ აქ გადმოტანა ტექნიკურად არ ვიცი, არ გამომდის.

ვიღაც  ტიტანი მღვდელი ერს  ასე ეშაირება და უამრავი ,,გაშეარება” ჰქონია:

“დღეს რუსთაველზე ხარობს სატანა,
ძაან ძნელია ამის ატანა.
არ გაეკაროთ არავინ გამზირს,
ლოცვით მოხდება ეშმას გატანა”

შედევრია, რა!

მე ვუპასუხე:

#ჩემი_მხიარული_რითმებიდან

ნდს

ამან -  რა ყველას დაუტატანა!
გადარეულა სულმთლად სატანა.
მართლა არ გინდა ამის ატანა?
ეგონა, მთელი ერი შეჭამა,
ახალგაზრდობა - ვერ შეატანა!

ისე აგიცხადდეთ ყველაფერი  კარგი და ნანატრი, როგორც მე ამიცხადდა!

აგერ, ნახეთ, სარწმუნოებამ  - თავისი  ლოგიკური,  ღირსეული ადგილი დაიკავა თუ არა!
ამ ახალგაზრდობას ქვეყნის შიგნით - ვერა ძალა ვეღარ მოერევა!
მიტმასნილებსაც, პოლიტქულებზე მონადირეებს -  გასაქანი აღარ  რჩებათ და არც დარჩებათ.
  ძალიან კარგად იციან, რა უნდათ!
  გარე  ანტაგონისტურ ძალებზე -  სამწუხაროდ, ვერაფერს ვიტყვი…
მაინც ძალიან ვშიშობ.
დასაზუსტებლად:
  მე,  საერთოდ, ოც წელზე მეტია,  არ გახლავართ მართლმადიდებელი, თუმცა  ამერიკელი ქრისტიანი  კი ვარ, არადენომინაციური ეკლესიის წევრი…
და  ტრიადიდან სარწმუნოების ამოგდებას  რაიმე, სუბიექტური მოსაზრების გამო როდი ვეწინააღმდეგებოდი,  არამედ აშკარა საშიშროებას ვხედავდი მასში ერის გახლეჩისა!
 

ესეც წყარო და ჩანჩქერი
:

აქციის მონაწილეები აღდგომის ღამეს რუსთაველის გამზირზე შეხვდნენ, მათ შორის დემონსტრანტების ნაწილი
ქაშვეთთან საღმრთო ლიტურგიას დაესწრო.
მომიტინგეები დედაქალაქის ცენტრალურ გამზირზე სანთლებით, პასკებითა და წითელი კვერცხებით იყვნენ მისული. მათ საავტომობილო გზაზე სანთლებით გააკეთეს წარწერა: "ენა, მამული, სარწმუნოება".
მომიტინგეებმა რამდენჯერმე ერთად შეასრულეს საქართველოზე სიმღერებიც.
ადგილზე საპატრულო პოლიცია იყო მობილიზებული, თუმცა წუხანდელმა ღამემ ინციდენტების გარეშე ჩაიარა.

https://www.interpressnews.ge/ka/article/798305-akciis-monacileebi-agdgomis-games-santlebit-paskebita-da-citeli-kvercxebit-rustavelis-gamzirze-shexvdnen

#ლექსები

ნინო დარბაისელი

ცხრაპრილური

რა ლამაზები ვიყავით, გახსოვთ?
მაგრამ გავარდა თოფი.

გვეუბნებოდნენ,  არ შეგრჩებათო,
გვეგონა, სჭირდათ ცოფი.

ვინც სიფრთხილისკენ მოგვიწოდებდა,
ვეძახდით გიჟებს, ავებს,

ან საქართველო  როგორ გვიყვარდა,
მისთვის ვწირავდით თავებს,

ან ერთმანეთი გვიყვარდა როგორ,
გულში ვიკრავდით ლაღებს,

გვჯეროდა, ერი ერთად თუ დადგა,
ყველა ცხრაკლიტულს აღებს.

მერე რამდენჯერ გადაგვიარეს,
ჭირი  - რამდენი ვნახეთ,

რამდენი ვკარგეთ, რამდენი ვმარხეთ,
ვიტანჯეთ, ვივაგლახეთ!

და რაღა დავრჩით?  მთელი თაობა
წავიდა კარგის კარგი.

უკეთესები - ცაში არიან,
ჩვენ  - შეგვრჩა ყოფის ბარგი.

როგორ გვეგონა, გადაგვარჩენდა
მხოლოდ სიწრფელე  ჩვენი!

მტრის ვერაგობას  - ვერ ვიჯერებდით,
აღმოვჩნდით შენაჩვენი.

დღეს ყველაფერი არის წარსული,
ვინ გაიხსენებს, რა, სად?

ყველა თაობა  - თავის გაკვეთილს ყიდულობს  თავის ფასად.

რაც დღეს სხვა არის - გუშინ ვიყავით,
დღევანდელს ელის  - ხვალე,

თუკი მოესწრო…ღმერთო მოასწარ,
კმარა,  რაც ცრემლი ვღვარე!

რა ლამაზები არიან, ღმერთო, თავისუფალი, ლაღი!

გემუდარები  - ცა  დააფარე,  თავს არ დაამხო თაღი!

ასე  წრფელებს და  ასე მიმნდობებს
ნურავინ გააწბილებს,

რატომ მომესმის რკინის ღრჭიალი?
მტერი ილესავს კბილებს?

სჯერათ,  რა ძალა მოგვერევაო,  “ერთობა - ათასფერთო”!

გადამირჩინე,
გადამირჩინე,
გადამირჩინე, ღმერთო!

#დილაუზმოს_ფიქრებიდან

ნდს

ნუთუ

ნუთუ მართლა არავინაა აზრზე, რანაირია დღეს გლობალური კონტექსტი?
საკუთარი ცხვირის იქით არავინ იხედება?
არავინ არაფერს უსმენს და კითხულობს?
დაგუგლონ მაინც!

ნუთუ ვინმე გულუბრყვილოდ ფიქრობს, რომ გაიღვიძა გაზაფხულის ერთ დილას  ვინმემ, ამ კანონის დამაინიცირებელმა,  გაიხედა ფანჯრიდან და რა კარგი სამიტინგე ამინდიაო!
დღეს რა ვქნა, რითი გავერთოო და გადაწყვიტა, რაიმე  მოეფიქრებინა მოწყენილობის გასაფანტად, მაგალითად, გამჭვირვალეობის შესახებ კანონი და არ გაუვიდა?

დავუშვათ აქაური პარლამენტი, 85 ხმით რომ გადაწყვეტილებას იღებს, სულ  ხარბებით, ბოროტებითა და მამალი გიჟებითაა დაკომპლექტებული, ის დალოცვილი, უცხოელი,  კეთილი დონორი რომ ხედავს, მისი საყვარელი საქართველოს დედაქალაქის ცენტრალური უბნების მაცხოვრებელი და მოსწავლე თუ სტუდენტი ახალგაზრდობა 
ახლა სულ ამ ხარბებს, გიჟებს, გამყიდველებს  და ა.შ.  ქუჩაში ებრძვის და ზიანდება,
იმის გულისთვის, რომ თვითონ  როგორც ქვეყნის მეგობარს, მისთვის დამაშვრალს - სწყინს უნდობლობა და რაღაც დამატებითი ფორმა  არ  უნდა შეავსოს და გიჟების სამინისტროს წარუდგინოს, რატომ არ  ფიქრობს და ამბობს, კი ვარ გამჭვირვალეზე გამჭვირვალე, მაგრამ ხუთი თვე-ღა დარჩენილა არჩევნებამდე და  ამ ახალგაზრდებს ამის გამო ხომ არ ჩავაგდებ და დავტოვებ ამ დღეში, ცოდოები  არ არიანო?!

ფინალი - ლექსად იყოს:

რად მომელანდა?
ასე ამბობდა
ვინმე გურანდა
თუ გურანდუხტი:
- ახალგაზრდობავ,
მზით ხარ ნაფერი,
ვისაც მიუხტი,
როცა მიუხტი,
შენგან  სჭირდება
სხვა არაფერი,
საარჩევნებო
მუხტი და მუხტი!
თავისთვის უნდა
ვარდი და ტახტი,
შენ -  გუნდა-გუნდა
ბარდი თუ ტუხტი!

ცოტა, ფასადებს მიღმაც რომ სცადოთ შეხედვა, დედა გაგიბრაზდებათ?

  მერე იტყვიან -
“არ გვეგონა, ასე თუ მოხდებოდაო”…
  მოჭადრაკეებმა იციან ზოგ დამწყებზე -  ,,მარტივ ორსვლიანებს ვერ ხედავსო”. ჭადრაკს რა უჭირს, თამაშია
და ქვეყანას - რა ეშველება!

მე  და ჩემი თაობელები რუსთაველზე ვიდექით 14 აპრილს, 9 აპრილს და ასე შემდეგ. თან წარმოიდგინეთ,  ქართულად წერა-კითხვას ვსწავლობდით და მერე ვასწავლიდით კიდეც.
    შემრცხვებოდა, ჩემს რომელიმე  თანაკურსელს ან  მოწაფეს, თანამებრძოლს, რომელთაგანაც  დღეს ბევრი ჩემი მეგობარია,  ისეთი აზრობრივად და  ქართულენობრივად გაუმართავი ტექსტი რომ დაეწერა, აქ ზოგიერთი კომენტარი რომ არის.
დემოკრატიის სახელით ძალადობა კი იგივეა,  გაქანებული სექსის მეშვეობით გაქალწულება მოინდომოს ვინმემ.
პედალირება ჩემს ასაკზე - გაგიკვირდებათ და  ერთმნიშვნელოვნად არადემოკრატიულია,” ეიჯიზმად” იწოდება.
ასევე, არადემოკრატიულია სხვისი შეურაცხყოფა  მის მიერ თავისუფლად გამოთქმული აზრის გამო.
  კარგი იქნებოდა, გცოდნოდათ:

    როცა გეჩვენება, დემოკრატიისთვის იბრძვი და გგონია, რომ მხოლოდ  შენი და შენიანების  აზრია მართალი, ხოლო სხვებისა - არა, შენ სინამდვილეში  იბრძვი არა დემოკრატიისათვის, არამედ  საკუთარი პრივილეგიებისთვის.
    და მაინც, ფრიად მოხარული გახლავართ, რომ მესტუმრეთ და აზრის გამოთქმის სურვილი გაგჩენიათ.
    ხშირად შემომიარეთ!
   

არა რუსულ კანონს!!! და სათქმელიც იმაზე მეტი გვაქ ვიდრე როდესმე,იმ იდეის ქომაგები რომელიც საქართველოს გააწითლებს, იმ სარწმუნოების წინაშე აგებენ პასუხს ,რომელიც ფსევდო კულტურული ღირებულებებით  შენიღბეს,იმ ენით განიკითხებიან რომლითაც განიკითხეს ,მაგრამ  მამულს ვერასდროს დააფასებენ ,საკადრისადაც კი ვერ შეამოკობენ ეპითეტებით.ილია ჭავჭავაძის სახელობის უნივერსიტეტი ამ კანონს აპროტესტებს და ილიას სიტყვებს მის საწინააღმდეგოდ მხოლოდ იმიტომ იყენებენ რომ თითქოს ვიღაცას არ ესმოდეს რას ნიშნავს მისი ნათქვამი ეგ სიტყვები...ადვილია ციტირება მაგ სიტყვების მაგრამ წიწამურის გზაზე დადგომა არის რთული,რამდენიც არ უნდა ეცადოთ  იმ ახალგაზრდებზე მეტი ვერ ხართ მაგ პოზიციით ვინც ახლა ჯანმრთელობის ფასად იცავს ჩვენს ევროპულ მომავალს.ჩვენ გამარჯვებას რომ ჩვენი ერქვას დამერწმუნეთ მაგისთვის დგას იქ ის ახალგაზრდები.

ეს ფორუმ. ჯი -ზე  დავუტოვე პასუხად ვიღაცას, ოცდახუთის მერე დამალული ხართო?
თქვენი ხმა რატომ არ ისმისო?



#დილაუზმოს_ფიქრებიდან

ნდს

ჭადრაკი და პოლიტიკა

როგორ მიყვარს გონიერი ხალხი, პირდაპირ ვგიჟდები. სავსეა ფეისბუქი,  აქაც და სხვა საიტებიც ჩემი პოსტებით, მაგალითად ასეთით:

    “ილიას ტრიადაში “სარწმუნოების”  შეცვლა “ერთობით” - ეს იყო თავიდანვე დაშვებული  დიდი პოლიტიკური შეცდომა, გაუთვალისწინებლობა ან არცოდნა  რეალობისა, რომ თუნდაც სტატისტიკურად,  ქვეყნის მოსახლეობის უზარმაზარი ნაწილი - მორწმუნეა.
ეს ლოზუნგი ამ სახით  იწვევს არა ერთობას, არამედ შიდა დაპირისპირებას ერში, მის გახლეჩას”.

  ***   

ამას მხოლოდ ჭადრაკის მცოდნეებისთვის ვწერ. თუ სერიოზულ პარტიას თამაშობ, შენი კომბინაცია თუ პოზიცია სტრატეგიულად - მოწინააღმდეგის შეცდომაზე არ უნდა გათვალო, უნდა გათვალო მისი მხრით მოსალოდნელ, საუკეთესო სვლებზე, რაც არ გამორიცხავს, რომ მისი შეცდომა საუკეთესოდ არ გამოიყენო, რამაც შესაძლოა თავის მხრით , დაუგეგმავი სტრატეგიული ცვლილებები გამოიწვიოს.
თუ მაღალთანრიგოსანი - დამწყებს ეთამაშები, ,,დეტსკი მატიც” კი შეიძლება ჩაუსვა, პირდაპირ დებიუტში.
აქ - დაბალთანრიგოსნები მხოლოდ ის ახალგაზრდები არიან, ვისაც პოლიტიკოსები წინ იფარებენ, პრინციპით - “გოშია შეაქეს და მგელს შეაჭამესო”.
ვერცერთ “ ხალხიან” მხარეს ვერ ვხედავ თუნდაც მარტივ, ორსვლიან გათვლებს და ეს უფრო მაშინებს.

#დილაუზმოს_ფიქრებიდან

ნდს

აბა!

ახლა რუსეთმა რომ გაიგოს, კი მაქვს  დღემდე საქართველოს ერთი მეხუთედი ოკუპირებული და კი  მყავს მიყვანილი  სამხედრო ნაწილებიც -  ლამის გორამდე, 
ცოტა არ იყოს, კი მწყინს, წამდაუწუმ ,,რუსული კანონი” “რუსული კანონიო”, რომ გაიძახიან, მაგრამ    ამ წყენას გულში ჩავიკლავ.
მე ხომ გამოვსწორდი!
  რა ჩემი საქმეა, ნახევარი საქართველო მეორე ნახევარს თუ დაუპირისპირდა!
  მე ხომ სიკეთე და სიხარული მინდა ქვეყნად გავამეფო!
რაც ადრე ბევრჯერ მიქნია, იმას ხომ არ გავიმეორებ,  ტიპობრივად ხომ აღარ მოვიქცევი და მოდი, დაჩაგრულთა მხსნელის ცისფერჩაფხუტოვან როლს სულ დავივიწყებ.
თან სად მცალია, აგერ, უკრაინაში მაქვს მთელი ამბებიო…
    რუსეთისგან ევროპამ და ამერიკამ ხომ უნდა დაგვიცვას?!
  ერთს ეტყვიან და რუსეთიც უკან წავა კუდამოძუებული.
    აბა, მეორე ფრონტს ხომ არ გახსნიან საქართველოში, არა?

ამიერიდან ყველა ლექსზე ამ სიტყვას დაგიწერთ რომ არ დაგავიწყდეთ
სირცხვილი

სირცხვილი

#დილაუზმოს_ფიქრებიდან

ნდს

ცივილიზაცია - ქართულად, ცივილიზაცია - ჩემს ოჯახში

    დღეს  განსაკუთრებით ბევრი მეფიქრება ცივილიზაციაზე, იმ წერტილზე, თუ საიდან იწყება იგი.
    თითქოს არავისთვის ძნელი მისახვედრი არაა, რატომაც, მაგრამ სუბიექტური მიზეზიც მაქვს.
    ამ მხრივ ცოტა თეორიას  როდი გავეცანი.           
    ზოგის მიხედვით,  ცივილიზაციის საწყისი წერტილი - ეს არის მომენტი, როდესაც ევამ ვაშლი ჩაკბიჩა, ზოგის მიხედვით - როცა პრომეთემ ცეცხლი მიუტანა ადამიანებს, ზოგი ამბობს,  ეს ის წერტილია, პირველყოფილი ადამიანი ნაპოვნს  აფსიდიანს, წვეტიან ქვის  ან ძვლის ნატეხს  რომ აღარ დასჯერდა და  ხეხვით ძვალს ან ქვას  პირი წაუმახვილაო, ზოგმა ბრძანა, ლითონის გამოყენება რომ დაიწყოო. ზოგი იქამდეც მივიდა, ადამიანმა რომ გადაწყვიტა, მოდი, მკვდარ მამას ოჯახის წევრებთან ერთად კი არ შევჭამ, დავმარხავ და იმის ნაცვლად ნანადირევს შევექცევიო…
და ასე შემდეგ.
        ვინც მიცნობს, ეცოდინება  ბორბლისადმი ჩემი დაუოკებელი სიყვარულის ამბავი. მედალიონებიც კი ბორბლის ფორმისა მაქვს  უმეტესობა, რადგან ვიზიარებ თეორიას, რომ ბორბლის შექმნით იწყება ცივილიზაცია. სულ ბორბლებიან რაღაცეებს ვეძებ და ვყიდულობ, განსაკუთრებით რაც ასაკში შევედი და სიმძიმეების ზიდვა მიჭირს.  მართლა გენიოსი იყო მისი შემქმნელი!
 
    ზიგმუნდ ფროიდის აზრით (1892)  ცივილიზაცია იწყება იმ მომენტიდან,  როცა გაბრაზებულმა ადამიანმა  გამბრაზებელი კი არ მოკლა, ან ხელჩართული ბრძოლა კი არ დაუწყო, არამედ აგრესიის გამოსახატად შორისდებული, უფრო გვიან კი  - სიტყვა გამოიყენა,  - შორიდან, უკონტაქტოდ,  შეაგინა.
      ანუ გინება  ფროიდმა ცივილიზირებულობის ნიშნად მიიჩნია.
    დღეს რომ ვიყურებ,  რა ხდება ტურფა საქართველოში და მეტადრე მის  თავში, მართლა იმდენი გინება მესმის,  ფროიდს თუ დავეყრდნობით, ცივილიზაციის აკვანი ჩვენ ვყოფილვართ დღემდე!!!
    კულტურული ანთროპოლოგიის ამერიკელ წარმომადგენელს  მარგარეტ მიიდს (1901-1978)  თურმე სრულიად სხვაგვარად მიაჩნდა.
    მან სტუდენტებს წარუდგინა  გამოქვაბულში აღმოჩენილი ადამიანის ბარძაყის ძვალი, რომელზეც  მოტეხილობა -  ნამკურნალევი იყო  და განუცხადა. რომ სწორედ ესაა ცივილიზაციის პირველი ნიშანი.
  ცხოველთა სამყაროში - ფეხმოტეხილი ცხოველი იღუპება.
    მას აღარ შეუძლია  დამოუკიდებლად გადაადგილება, სარჩოს მოპოვება, ჩვეულებრივ, თვისტომები ტოვებენ და სხვა ნადირის ლუკმა ხდება.
    ეს ძვალი კი ამტკიცებს, რომ ადამიანმა თვისტომზე იზრუნაო.
    დღეს ჩემი ქვეყანა განსაცდელშია.
    ორივე მხარეს ერის შვილები დგანან. ზოგი როგორ ხედავს ქვეყნის მომავალს და ზოგი - როგორ!
    მე - მძულს რუსეთის ხელისუფლება, მაგრამ ისიც ვიცი, რომ იგი ოკუპანტია.
ოკუპაცია კი,  რასაც ნიშნავს,  როგორ ვლინდება და გრძელდება, ეგეც წამიკითხავს.
    მე  - მიყვარს დასავლური ცივილიზაცია.
    საქართველო ხიდია ევროპასა და აზიას შორის და გზაჯვარედინობის  გამო, სიკეთეზე მეტი,  საუკუნეთა მანძილზე - ტვირთი აწევს.
ღრმად ვარ დარწმუნებული, რომ მისი ადგილი ევროპაშია, იქ, სადაც ერის დიდ მამებს ეოცნებებოდათ.
    და მე მიყვარს - პირველ რიგში ჩემი მრავალმხრივ დეზორიენტირებული ქვეყანა.
    და დღეს,  მხურვალედ, როგორც არასდროს, ვლოცულობ მისთვის, ყველა მხარისთვის, არცერთი პარტია, არცერთი პოლიტიკური ძალა არ წარმოადგენს ერს.
ერი  - ვართ ყველა ერთობლივად!

***
    ამ მაღალი რეგისტრის მერე რეალობას დავუბრუნდეთ.
  გუშინ  ჩემი ემა-ქეითის ( 9 წლის) სკოლის მასწავლებელი  უცნაურად დაგვიხვდა.
არ იცოდა, მკაცრი სახე დაეჭირა თუ ეცინა.
    ემა-ქეითს ჩამოუყალიბებია “ცუდი სიტყვების კლუბი”, თავისი წესდებიანად, სტრუქტურიანად. მიღების წესიანად - რომლის მიხედვითაც, არ კმარა, მარტო ცუდი სიტყვა ხმამაღლა თქვა, საჭიროა, იცოდე მისი მართლწერა, წერილობით წინადადებაში გამოყენება.
    კლუბში მიუღია ძირითადად ბიჭები,  სხვა კლასელებიც.
    ერთ  რომელიღაც კანდიდატს წერილობითი ტესტი ვერ გაუვლია,  არ მიუღიათ კლუბში და როგორც ეჭვი აქვთ, სწორედ იმან დააბეზღა მასწავლებელთან.
    როგორც ვთქვი, ძირითადად კი ბიჭები ჰყოლია ემა - ქეითს კლუბში, მაგრამ არც თვითონ აკლებდა ცუდი სიტყვების გაჟღერებას, განსაკუთრებული გამომგონებლობითაც გამოირჩეოდა თურმე ( კახური გენი ბაბოსგან?)
  მოკლედ,  გასკდა ამბავი. თურმე დაიბარეს,  თავის ორ მოადგილე ბიჭთან  ერთად “პრინციპალის” ოფისში.
  მოსთხოვეს წერილობითი განმარტების დაწერა.
    ქალბატონს დაუწერია, რომ სასწავლო წლის ბოლოს  ბევრი ტესტი აქვთ გასავლელი, მოსწავლეებს ამის გამო მუდმივი  სტრესის გადატანა უხდებათ, ემოციურ დაძაბულობასთან გამკლავების პრობლემები აქვთ, ხოლო კლუბი და ცუდი სიტყვების ხმამაღლა თქმა  ემსახურება  მიზანს - ფსიქოლოგიურ განტვირთვას.
    გვიშველეეეეთ!
ჩვენც მასწავლებლების დღეში ვართ. თან გვინდა, მკაცრი სახეები გვქონდეს, თან ვიგუდებით!
  ეს კიდევ არაფერი!
უფროსობას, რომელნიც  ერთმანეთთანაც და ბავშვებთან  მუდმივად ეტიკეტის დაცვით,  თავაზიანზე თავაზიანი ენით ვურთიერთობთ,  უკანასკნელი შანსიც გამოგვაცალა!
    მე გადავწყვიტე, ამ არასწორი მოქმედების გამო თავი დავისაჯოო, ორი დღე არა -  ტელევიზია და “გაჯეტები”, ოცი წუთი კუთხეში დგომა და ერთი კვირა - არავითარი ტკბილეულიო!
    დარწმუნებული ვარ, ასეც იზამს, ცოტა ტკბილეულზე მეეჭვება????

წაკითხულიდან შინაარსი თქვენ ხომ გამოგაქვთ?
მე წყალსაც წაუღივარ, ადამიანო,
ბევრი რამის გათვალისწინებაა საჭირო, ერთ წერტილში ჩაკირულობა აქვავებს ადამიანს.

"სხვათა ასოთა მეჩუჩეობის" არ იყოს.
ყველას შეიძლება ესადაგებოდეს ეს.
ნუ მოვინდომებთ ერთმანეთის გაფარჩაკებას.

რა მწარე წამალი გამოდგა ეს "ერთობა", მაგრამ არამარტო სასარგებლო,  არამედ სავალდებულოა!

წაკითხულიდან შინაარსის გამოტანის პრობლემა თუ აქვს ზოგიერთ მკითხველს, სამწუხაროდ,  ავტორი ამაზე პასუხს ვერ აგებს.
წარმატებას კი უსურვებს.
ვისაც “თავის  ადგილზე ვერდატეობა” ვერ გაუგია, მისთვის უნდა ვაღიარო, რომ  მოხარული ვიქნებოდი, ეს კონცეფცია  მე მეკუთვნოდეს, მაგრამ გოეთესია. გთხოვთ,  ახლიდან გადაიკითხოთ მისი ,,ტორკვატო ტასო”

მადლობა გამოხმაურებისთვის

არ ვარგა თავის ადგილას დატეულობა, ქალბატონო ნინო,
მერე იმ ადგილზე ფესვის გადგმაა გარდაუვალი და  იმ ადგილიდან მხოლოდ ერთი რაკურსია.
ერთობაა სწორედ ის, რაც გვაკლია, ღმერთის და წინაპრების წყალობით ჯერ ენაც გვაქვს , მამულიც და სარწმუნოებაც.
და ასე რომ იყოს მუდამ, ამიტომ გვჭირდება ერთობა.
ძალა ერთობაშია !
სიცოცხლე მოძრაობას მოაქვს!

"სხვათა ასოთა მეჩუჩეობა" - ეს რა კარგი მოარტყით :)))) ადრე, ვიღაცამ, ყოფილ "სახალხო დამცველს"  დაუწერა:
"ნანუაშვილსა უჩასა თავი მიუგავს ჩუჩასა"-ო და იმაზეც ბევრი ვიცინე :))))

დიდად უნიჭო ლექსია, აზრიან, ფორმიან, სულისკვეთებიანად)) პოლიტიკა და პატრიტიზმი ლექსებში, თქვენი ძლიერი მხარე არ უნდა იყოს.

გეთანხმებით!

გეთანხმებით!

ალიან, ძალიან მომეწონა!