შემოდგომაში გიპოვე
მე აღარ მცივა...
უკვე ვისწავლე, როგორ ვგავდე ქარს,
უკვე გაირინდნენ სიზმრები,
-ჩუ, ამეფარა ტუჩებზე ღამე,
არ დაუვარდეს ფიქრებს რამე.
მე აღარ მცივა...
შემოდგომა შემოსავს ჩემს შიშველ მკლავებს
და ჯერ კიდევ რომ მახსოვს,იმ სუნთქვით გამათბობს...
მე აღარ მცივა...
უკვე ვისწავლე როგორ მოვიდე შენს სულთან ახლოს
და ხელისგულზე აირეკლოს ჩემი დუმილი,
იქნება მარგოს...
მე აღარ მცივა...
უკვე ვისწავლე როგორ დავტოვო სიმშვიდე,
-ჩუ, არ შეირხე, არ დაუვარდეს ფიქრებს
ჯერ კიდევ უთქმელი სიტყვა.
მე აღარ მცივა... გიკვირს? –არაფერია...
-ჩუ, იქნებ შემცივდეს კიდეც,
შემოდგომაში გიპოვე ისევ,
აფეთქდებიან სურვილები, იქნებ
შემოდგომამ შემმოსოს შემცივნული ისევ...