„მხდალთა და ურწმუნოთა, ბილწთა და მკვლელთა, მეძავთა და გრძნეულთა, კერპთაყვანისმცემელთა და ცრუთა ხვედრი კი ტბაშია, ცეცხლითა და გოგირდით მოგიზგიზეში. და ეს არის მეორე სიკვდილი“. (გამოცხადება 21, 8)

მეორე სიკვდილი

მხდალი, ბილწი, ურწმუნო,
კაცისმკვლელი, მეძავი,
მატყუარა, გრძნეული
და კერპის მოესავი,

ჯოჯოხეთში მოხვდება,
ამ ერთ-ერთი მიზეზით
და მეორედ მოკვდება
ხანძრის აგიზგიზებით,

დამსჯელია წყმედილთა
მატლი დაუძინარი,
ცეცხლის ტბა კი ხვედრია
სულ პირველად - მშიშარის.

19 დეკემბერი, წმ. ნიკოლოზის ხს. დღე, 2024 წ.