მოდი რა, შენს ცხოვრებას მიხედე!
ჩემით რატომ იღლი თავს?
საკუთარ ბილიკებს დახედე,
შეეშვი ჩემს განვლილ გზას.
შენი "სისუფთავით" დაკავდი
ჩემს "ჭუჭყზე" ნუ "დარდობ", ნუ,
დარდი მალე კლავსო ძვირფასო-
ღმერთმა დაგიფაროს, სუუ...
არ გინდა, ვერ ნახავ ჩემს თვალში
უმიზმოდ ვერც ბეწვს და ვერც დირეს...
სარკე კი გექნება მანდ, სახლში
ჰოდა, ჩახედე და იტირე,
რადგან შენ ცხოვრება აღარ გაქვს,
ჰო, შენს თავს მოპარე თავადვე,
სხვისი ნაბიჯების თვალთვალში
შენი სამუდამოდ დაკარგე!..
...
მოდი რა, მოდი რა შეეშვი
ჩემს გზას და შენს ბილიკს დახედე...