„აირევი, ივერია“ (გალაკტიონი)

„წუთისოფელი ასეა:
ღამე დღეს უთენებია,
რაც მტრობას დაუნგრევია -
სიყვარულს უშენებია.“
- ილია ჭავჭავაძე


„აირევი, ივერია“,
საქართველო დაინგრევი,
ბევრი ღვარძლი გირევია,
შადიმანის ნაირები.

მტრობა ანგრევს, თუკი იშვა,
არ დაინდობს ვაჟებს, ძღაბებს,
რადგან სიძულვილი თიშავს,
სიყვარული - ადუღაბებს.

გაგიხდება ხაფანგებად,
ყველას კარი თუ გაუღე,
კვლავ დაგადგამს ღვთის განგება
დამონების მძიმე უღელს.

თუ გსურს შენთან ვერას გახდნენ
გამთიშველი მაქციები,
მაშ, უგანე მტრობას წამხდენს
სიყვარულის საქციელით.

26 ოქტომბერი, 2025 წ.