ნაწარმოებები


გამარჯვებას ვუსურვებთ გმირ უკრაინელ ხალხს რუს აგრესორზე.     * * *     დიდება უკრაინას !!! Сла́ва Украї́ні !!!

ავტორი: ზაზა22
ჟანრი: პოეზია
24 იანვარი, 2026


სახლამდე

  შემოვუყევ ისევ აღმართს, შენთან შემოსახვედრად...
სხვაგვარი ხარ, ვით სიზმარი ,  მძიმე ფანტაზიებით,
დავიღალე ისე ძლიერ , სევდა მახლავს თავდებად
დავიღალე ჩემო სახლო, სხვაგან შენი  ძიებით.

ახლა მეტად ჩემო მთებო და ბავშვობის მინდვრებო,
მამაჩემი აღარ მიდგას , სიყმაწვილის დარაჯად,
მსურს სანთლები ანთებული , სულზე გადავიღვენთო,
შენი თავი წლების შემდგომ , ფიქრშიც , რომ არა წამართვან.

ნიწანპრების ნაცოდვილარ, ახლა ჩამტყდარ ალაგზე,
ჩამოვჯდები , ვიოცნებებ, დარდებს გავეხუმრები.
მერე ნაბრძოლ-მიჩვეული, შემოჩენილ სახადზე,
ახლა ხომ არ გამიწყრები,  ხომ არ დამემდურები?!

რა თუ არა შენი დარდი, ვინძლო გულით ვატარო,
ზოგჯერ სულის აღმაფრენას, ავყვე გავუთამამდე,
ღმერთო იქნებ  ეს აღმართი, ეს ორღობე დალოცო
იმედებით მომავალშიც , მიმაყვანოს სახლამდე...

კომენტარები ილუსტრაციები რეცენზიები