ნახეს რა - ხმლით ვერ დააჩოქეს ქართული გენი, ამიტომ გველის ორპირობით განთქმული ენით გვატყუეს, გესლეს სისხლი ჩვენი, შობიდან მდენი, ქართლი კი მაინც აღმოცენდა ხორბლით და მტევნით.
და ვინც იყავი იბერიავ სულ იგივ სჩანდე! სხეულდაღლილი მძიმე ჯვარით, სული კი - მჩატე. მტერს მიყიდული გაგამტყუნეს, გდევნეს და გშანთეს, თუმც არ აქრობდი ყოველივეს შემქმნელის სანთელს.
და იზრდებოდნენ მშობელ მიწის დარაჯად ძენი, შენ უწყი ღმერთო, იზრდებოდნენ მარადჟამ რწმენით.
გთხოვ ნუ მოუვლენ დიდ განსაცდელს გადაულახავს, აცხონე ვინაც დაუკარგავს და დაუმარხავს.
მიეცი ძალა მის მომავალს, ზნე-მადლიანი და აღადგინე საქართველო მხნე და მთლიანი.
