გელი
გუშინ ორღობეში დაგელოდე,
ნაბიჯს მონატრებულს, მოველოდი.
სარი შევუყენე ბებერ ღობეს,
დრო რომ გამეყვანა, ცოტაოდე,
ბებომ გადმომლოცა თხილნარიდან,
კვნესით მოფუსფუსემ ღობის იქით,
ჯანმრთელობაო და, იღბალი და,
უფლის წყალობაო. მადლით მიმზერს.
ისევ დავბაჯბაჯებ ორღობეში,
უკვე დაღამდა და უფრო გელი.
შენ კი, უკვე სხვისი გამხდარხარ და,
სხვასთან გაგიყვია სარეცელი...
მე კი, _ორღობეში ისევ ვდგავარ,
ხელჯოხითა ვარ და, მრუდე წელით,
უკვე სხვისი შვილის ბებიაც ხარ,
მე კი...
გელი...
27.02.2026