გულმა რეჩხი მიყო,
როცა სიტყვას გადავედი,
ზიგზაგურად გავწკვარამდი
შენი თანავარსკვლავედით.

ტყე მეჩხერი იყო,
მეგონა ცას დავფარავდი,
ვიზოზინე, თავს გავედი,
გზადაგზა დავპატარავდი.

მომძახოდნენ - ბრიყვო,
სიტყვას გაუცვდა ხავერდი,
რაც განიშნა ვენახმაო
სამშობლოს გაახარებდი

ბედმა ხელი მიჰყო
კალთით უცრა ენას ხაო,
სინანულით  დამავალა
ერთხელ მაინც, სხვანაირი
საქართველო გენახაო.

24 მაისი 2026 წლის