გუშინ  - ვენდერბილთში, ონკოპაციენტებში ვიყავით. ფოტოგრაფირება - აკრძალულია.

#ლექსები

ნინო დარბაისელი

ვენდერბილთი
(სონეტი)

დაყოფილია ყველაფერი ვიწრო უბნებად, 
ტვირთი  - ტვირთია და მოგიწევს, მარტო აწიო. 
რამ საიმედოს აქ  არავინ არ გეუბნება,
რომ ჩაეჭიდო და ბნელიდან გამოაღწიო.

განსაცდელისას  - ადამიანი  ასეა მუდამ,
სულ ტყუილია  ახლობელთა  მცდელობა ყველა,
ვეღარ გიშველოს ანეკდოტით სიცილის გუდამ,
ჩაახველა და დაგემატა  ისიც  ნაღველად.

გაძლების ძალა ადამიანს როცა სჭირდება.
არ ვარგა, თუკი სიკვდილამდე გათავდა იგი, 
სხივს - ძებნა უნდა, საიმედო ხავსს - ჩაჭიდება,
დროულად უნდა დაიჭიროს მან თადარიგი.

არც სიცოცხლისთვის არც სიკვდილისთვის  ჯერ მზად არა ხარ.
უდანაკარგოდ განსაცდელი ვინ გადალახა!