მორჩა პოზირება. დაღლილი
ნიღბები- სულს იქით.
სულ აქეთ- მზე თექა.
არქაულ სიყვარულს ლუღლუღებ,-
მეც განწყობაზე ვარ პროზაულ.
აქედან დავიწყოთ: შემთხვევით
თმაში არ ჩაიწნა პარიზი,
ჩემამდე სიზმრებიც მოხიე,-
არ მყოფნი ყავაზეც. მინდოდა,
შუბლზე გაგეშალა რუკები
სანავიგაციოდ,- ამდენად,
ცას არ ამოვხსნიდი ლურჯ კაბად, რომელიც
თეძოებს ქარებში ფანტავდა.
მოდი რა, მოწიე ტუჩები!- მაოცებ:
ასეთი მდუღარე ფანტანი,-
ვისკივით. სულ ბანცალ- ბანცალით
შენ მშვიდ ხელებამდე მოვდივარ,-
ვისვენებ. სულ იქით-
ტრანსპორტი მოედო მოედნებს.
მზე- თექა- სულ აქეთ.