კაფე აზია, ზარს თამაშობს ვიღაც აშუღი,
ასე ამბობენ- შაბათობით ”სტავკა ქალია”,
იგებ ან აგებ, ყველაფერი ორი ციფრია,
ჟინი, აზარტი, სიყვარულიც და ოვაციაც.

კაფე აზია, ჩაის ჭიქა, ვზივარ ფეხმორთხმით,
ეხლა შენამდე ორიოდე დამრჩა გასროლა...
ჭრელ ბალიშებთან
ემიჯნება ღამე სამყაროს,
ვღეჭავ ასოებს უგულოდ და ალბათ

ასობით

სიტყვით შემეძლო ამეხსნა თუ როგორ მიყვარდი,
ვტენი დამბაჩებს, ავაცილებ, დღეს ვარ ცაცია...
ეხლა შენამდე ორიოდე დამრჩა გასროლა...
ვზივარ ფეხმორთხმით, ჩაის ჭიქა, კაფე აზია.