ნაკლული  სონეტი

...მიდიხარ...  შენს  ბედს  ბევრი  ინატრებს...
                                        /გალაკტიონი/


შენი  გოლგოთა  გამოღმა  დარჩა...
თუმც  ვერ  უშველე  თავს  ვერც  გაქცევით...
მიდიხარ...  და  შენს  გზაზე  კვლავ  არ  ჩანს
არც  თანამგზავრი,
არც  ხმის  გამცემი...

მარტო  იყავი  შენ  იმ  ხმაურშიც,
როცა  მფრინავი  აფრა  აუშვი...

ეულად  მისდევ  აღმართს  ჟამგაღმაც...
იქაც  ჯერუვალ  შამბნარს  მიჟვერავ...
მიხვალ  და  ვინმეს  არც  იქ  არ  გავხარ
- არც  ღმერთკაცს
და  არც  მწირს  -  ფეხშიშველას...