ჩუმად შემეხე და წამი გაირინდა,
ნაზად შემოგავლე თვალი,
მკერდზე მომეკარი და კვლავ გამახსენე,
კოცნის ძველის-ძველი ვალი.
ყურში შენი სუნთქვა შერბის ვნებასავით,
ტუჩზე მიალერსებ თითით,
თმაში ვიკარგები  ანცი წვიმასავით,
შენზე უსასრულო ფიქრით.
შენი თვალები ხომ შვების მომგვრელია,
მათში ოცნებებს უნახავთ ბინა,
ლამის ამეტყველდეს,მომწვდეს მომეფეროს,
ჩემს გულს მათ მკლავებში სძინავს.
გულში ჩაგიკრავ რომ,არსად არ წახვიდე,
წლებად გადავაქცევ წამებს,
ოღონდ მომენდე და ცოტაც მომეფერე,
ცოტაც ჩემი ღმერთის გწამდეს.