გაიზარდეო მეძახის,
გაიზარდეო!
ჩუმ არემარეს მოედო
წყევლა საერთო!
ქვიშას ჩემს ზურგზე  სიამით
პირი დაეღო,
და სისხლის ნაცვლად ვენებით
ვზიდე ქაირო.
ეგვიპტის გამხმარ მიწაზე
სიტყვა გამეყო,
მზე ისე მაწევს თვალებზე
თითქოს არ ეყო,
რომ გამომშრალი მიწისთვის
ვხდები საერთო.
გაიზარდეო ჩამძახის
სმენად არ მეყო,
ვჭამდი სვავივით ჩემს თითებს
ვერ ვგრძნობდი გემოს.
თვალებს ვერ ვახელ,
მაგრამ ვგრძნობ
ხედივის ჯილდო მერგო.
ცად აზიდული სასმისი
წყლის სახით გადამევლო.