გამაფერადე...
თვალების ქვემოთ ლუჯად,
ტუჩები ატმისყვავილისფრად,
ხელები მქონდეს თეთრი,
თმა ცეცხლისფერი...
მკერდს შემიღებავ ლილისფრად,
ყვრიმალებს ყვითლად,
მკლავებს ჩრდილები ქონდეთ ზღვისფერი.
გაგაფერადებ...
თვალები გქონდეს ნაცრისფერი,
ტუჩები შავი,
ხელები იისფერი,
ზურგი გექნება მშვიდი მწვანე
თმა გამჭვირვალე...
ქუჩა იქნება ტილო
და ჩვენც  ვივლით შიშველი ფეხისგულებით,
ცა იქნება შინდისფერი...
ჩვენ დავრგავთ ხეებს
რომელათაც ხისფერი ფოთლები და
მწვანე ტანი ქნებათ...
და ავაშენებთ ქალაქს
მზისფერი სახლებით...
მე ამ სიზმარს ყველა ძილისწინ
კრიალოსანზე ვმარცვლავ
და გისიზმრებ,
საათის მონაცვლეობა მიტოვებს სიცარიელეს
რომელიც ხმაურობს...
და ძილში ხელს მიშლის.
ჩემს ოქროსფერ სიზმრებში
შიშველ საკიდებს ენატრებათ ტანსაცმელი...
გზის მარჯვენა მხარე მოძრავია,
და სახლებშორის გაკიდებულ შენს ხელებს
კანი შიგადაშიგ უმუქდება
და ფრჩხილებზე დამჭკნარი ყვავილები ამოგდის...
და ფერებს რომელსც წვიმა
წვეთ-წვეთდ გაცლის პეშვით ვაგროვებ და ვსვამ
და ვიღებები შიგნით ...
შენფრად...