ნაწარმოებები


გამარჯვებას ვუსურვებთ გმირ უკრაინელ ხალხს რუს აგრესორზე.     * * *     დიდება უკრაინას !!! Сла́ва Украї́ні !!!

ავტორი: ციცანა/გვანცა ჯობავა
ჟანრი: პოეზია
5 იანვარი, 2010


ყველა-ფერზე

ჩემი ამინდია - წვიმიანი,
ზამთარს ფანჯრებიდან გადავყურებ,
ლოყა გავიგრილე ცივ მინაზე...
ვგავარ სითბონაკლულს, ხან ნაპკურებს.

ჩუმი ამინდია - წვიმიანი,
ვიღაც ქალმაც უხმოდ ჩაირბინა,
მანქანის შუქები უკან დაედევნენ,
მერე ქუჩა ისევ გაირინდა.

ფიქრის ამინდია - წვიმიანი,
ფიქრის შენზე? არა, ფიქრის არაფერზე,
უხმოდ საუბრების ამინდია,
მკითხავ: ჩვენზე? გეტყვი: არა, ღმერთზე.

ნინო  ქათამაძის ამინდია,
წვიმის მუსიკაზე გათხოვების,
ტერენტი გრანელის ამინდია,
ფრენის და მიწასთან განშორების.

ჩემში ფერებია ცვალებადი,
თითქოს შიგადაშიგ ფერებს ვერც ვარჩევდე,
ამბობ, ამინდია ფერში რომანტიკულ,
კარგი, ვისაუბროთ, მოდი, ყველა-ფერზე.

კომენტარები ილუსტრაციები რეცენზიები