ქალწულებრივის სილამაზით დამშვენებული,
ტაძარი,თეთრი თლილის ქვისგან აშენებული...
მის მაღალ კედლებს თავს ევლება სული ქართული,
ვაზის მტევნების ორნამენტი ჩუქურთმაწნული...
ხუროთმოძღვრების დიდი ნიჭის გამოვლინება...
ადამის მოდგმის სულთა ხილვის გამობრწყინება...
ხატების მიღმა შეფიცული იდუმალება..
რამდენი თხოვნა,საიდუმლო აქ იმალება...
ზეცით ანგელოზთ გამოუსხამთ ფრთები ციური,
სანთლების შუქში იღვენთება,გულში,ყინული...
ვინ შველას ითხოვს,ვინ შენდობას ძველი ცოდვების
უფალო,შენ ხარ განმგებელი მათი გოდების...
...და ტაძრის მიღმა გამოსულებს,შვებამოგვრილებს
ეადვილებათ სუნთქვაც,ფიქრიც, სულგანწმენდილებს...
"ჩვენთან არს ღმერთი"-ტაძრის შიგნით კვლავ წვდება სმენას...
"შენ ხარ ვენახი"- კვლავაც ვგალობთ უკვდავ სიმღერას....




18.06.1994