ჯეინ

აგედევნები,
ერთად გავივლით,
ვერსებს და მერე უკანასკნელი
მოჰიკანივით
სადღაც სტეპებში.
მე მიგატოვებ,
ჯეინ.


ფაეტონებით

როგორ გიხდება ეგ თაფლისფერი
თვალებია თუ...
კაი თვალები,
გიყურებ მინდა,
რომ ეს სამყარო
დარდებითა და კაეშანებით,
დაგაწყო მკერდზე
და ყოველ დილას,
შეგსვა პეშვ-პეშვად,
ფაეტონები
ჩვენს წარმოსახვას
იპყრობენ წრიულ მოძრაობებში
და უთენია,
მივდივართ ვიცით,
რომ ზედმეტნი ვართ და გაზაფხულიც...
უჩვენოდ არცკი დაგვიანდება
არც წუთიერი თუნდაც დუმილით
მოგვიგონებენ...
ფაეტონებით, წრიულ რევერსზე...
და როგორ მინდა
შენში სამყარო,
შევქმნა და მერე
თუნდაც დანგრევის
რისკის ქვეშ მყოფი,
მისხალ თუ პეშვ-პეშვ,
შეგსვა ძვირფასო,
უთენიისას