ნუ ჩამაფურთხებ სულში,
გევედრები ნუ ჩამაფურთხებ!
ანდა სანამ ჩამაფურთხებ,ჩამხედე თვალებში.
ცხელი ორთქლი კვლავაც ასდით ოდესღაც ჩამქრალ ვულკანებს
და დედამიწის საშოში იხარშება ქვებისა და რაღაც უსარგებლო ნარჩენების ფაფა,
რომელნიც დაბადებისას მთებად ფორმირდებიან.
გულში კი გადის ნავთობისა და ცხელი გრეიზერების ძარღვები და კიდევ უამრავი რაღაც...
ოკიანეების ფილტვებით სუნთქავს დედამიწა და ლოკავს პირგამშრალ ქვიშიან და კლდოვან ნაპირებს,
ხოლო ადამიანთა გულები ერთი პარკუჭიდან მეორეში გადაქაჩავენ სისხლის მდინარეებს
და არავინ იცის როდის გაჩერდება რომელიმე მათგანი.
შენ კი არ გაქვს უფლება გააჩერო თუნდაც ერთი მშფოთვარე გული,
ყველაფერი გულზე გადის...
                                            მას მოფრთხილება უნდა.
მე კი ძალიან გთხოვ:_ნუ ჩამაფურთხებ სულში,ნუ ჩამაფურთხებ,
ანდა სანამ ჩამაფურთხებ ჩამხედე თვალებში...
დედამიწა კი ხანდახან ირევს გულს და ანთხევს მოუნელებელ ნაგავს და იმას,
ადამიანებმა რომ ჩააფურთხეს...