მხიარული სევდა მოაქვს წვიმას,
ღრუბელს სველი ოცნებები წყდება,
მოგონება სულელ გრძნობებს წინწკლავს,
გული დიდი გუბესავით ფეთქავს.

თმაგაშლილი, ფეხშიშველი წვიმა
თავის რიტმზე გულშემოყრით ცეკვავს
და ტროტუარს, როგორც ფანჯრის მინას,
ნაზამთრალი ლაქებისგან რეცხავს.

ციდან თბილი სევდა მოაქვს წვიმას,
ღრუბელს ძველი საიდუმლო წყდება.
პარკში თავი გაურთვია ნიავს,-
ხის ტოტოიდან გამხმარ ფოთლებს რეცხავს.