ნუ  მესიზმრები. ნუ  მახსენებ.  აღარ მაქვს ძალა,
    დროის  მდინარეს  მივყვებოდით  ჩახვეულები...
    შენ  წყნარი  ცურვა  აღარ  გსურდა, გინდოდა  გასვლა
    უცხო  ნაპირზე, საიდანაც  ვერასოდეს  ვერ  დაბრუნდები...

                **                    **                  **           

  ...ჯერ  ხელს  მიშვებდი, და  დროდადრო  ვცურავდით  ცალკე
    და  მაინც  ერთად!  ბრუნდებოდი...  მეხუტებოდი...
    მე  მეშინოდა  რომ  უშენოდ  ერთ  წუთს  ვერ  გავძლებ...
    შენ  კი... ამაზე  არ ფიქრობდი,  ემზადებოდი

            **                      **                  **         

  და ეს  დროც  დადგა!  საბოლოოდ  გამიშვი  ხელი,
  იმ  მოსახვევში,  სადაც  წესით  არ  შორდებიან!
  მივცურავ  მარტო,  უსასრულოდ  გზა  გახდა  გრძელი,
  ნუ  მესიზმრები.  დავიღალე.  სულ  არ  გრცხვენია.....


                                            05.04. (2010).  ს.ნეველი