სიგარეტის ბოლმა თვალს აუბა თვალი,
კოჭლმა ფეხმა საღ ფეხს გამოუდო კვანტი,
რაღაც სასაცილოდ კაცს შეუბამს ქალი,
ნიხრად გამოაკლო სამოცდაორს ათი.
დაბოლილი თვალი, კვანტი ალალბედა,
სასაცილო -კაცი,  ქალი- საქანელა,
სამოცი და ორი, ათი განაკვეთად
ლუწი განწყობილი ,,კენტის" აღსაქმელად.
ტილო ფიროსმანის განხატული კედლად,
ფანჯრის აქეთ ფარდა, იქით შუქი ბნელად,
გადაღვრილი ნოტი რადიოლას ფეხთან
სასაცილო კაცის მოქანჯული რხევა.
კარი საძინებლის შეღებილი თეთრად
სარკე შეფერილი სანთლის ანარეკლად.
რომანტიკის გეში,  _იგი ალმაცერა
კარადის თავს მწოლი იცინოდა მხეცად.