ნაწარმოებები


გამარჯვებას ვუსურვებთ გმირ უკრაინელ ხალხს რუს აგრესორზე.     * * *     დიდება უკრაინას !!! Сла́ва Украї́ні !!!

ავტორი: ფიდაი
ჟანრი: პოეზია
26 ივნისი, 2010


ვიცინი...

ვიცინი, ზოგჯერ გულში ვიცინი,
ზოგჯერ სხვაც მხედავს ღიმილით მოსილს,
ხან ეს შემამჩნევს, ხან კი ისინი
ირონიული ნაბდით შემოსილს...

ვიცინი, ზოგჯერ ხათრით ვიცინი,
ზოგჯერ მტირალიც გავიხსნი ტუჩებს,
ზოგიც ძაღლივით კუდის ქიცინით
სიცილ-ხარხარით მოივლის ქუჩებს...

როცა სხეული სამკვიდროს პოვებს
და სამუდამოდ დამეძინება,
დავინაოჭებ ბოლოჯერ ლოყებს
და სიცოცხლეზე გამეცინება...

კომენტარები ილუსტრაციები რეცენზიები