ახლად დაკიდებულ განწყობაზე,
სასიამოვნოდ მოშვებული,
ვზივარ ხის ქვეშ, კალმით ხელში
და გრძნობები აშვებული,
ჩემ გარშემო მიმოდიან.

შორიახლოს ლოთთა გუნდი,
(ბოლო ხმაზე გაყვირიან)
მე კი ხის ქვეშ, კალმით ხელში
და ფიქრები არეული,
დაკიდებულ ხასიათზე მიმოდიან.

აგერ უკვე ლოკოკინამ,
ერთ ფილაქანს გააბიჯა,
რა ხანია გაცდა თორმეტს,
თვალით მოვიზომე მაჯა,
მკლავი ოდნავ შევარხიე,
თვალი გავუსწორე სხვა გზას,
მოსეირნე წყვილი ვნახე,
ერთმანეთთან ისე ახლოს,
თვალი თვალს და სახეს სახე,
ერთმანეთში ერეოდა.

მე კი, ხის ქვეშ, კალმით ხელში
დაკიდებულ განწყობაზე,
მოვიკრიბე ყველა გრძნობა,
აშვებული საძოვარზე.

ლოკოკინამ კიდევ ერთი,
ფილაქანი გადალახა,
საათი ორს გაუტოლდა,
თვალმა სახლის გზა მონახა
და გავყევი ნაცნობ ბილიკს,
დაკიდებულ ხასიათზე.