იკარგება,სადღაც კვდება ემოცია,
ნაცრისფერი დღეებია გაცრეცილი,
ქარს მიჰყვება ტილოების კოლექცია
და ესკიზი შენეული,დაფლეთილი,

        მიილია სადაცაა ოქტომბერი,
        მონეტებად იყიდება პრემიერა,
        მენატრება ამინდები ატმისფერი,
        ოცნებებში ჩაფერფლილი კარიერა,

მთვარის ნათელს ირეკლავენ ამურები,
სანთლის ალით ამღვრეული ეთერი,
აღმერთებენ ღამეს შავი ღამურები,
მებრალება ის შეშლილი ვერტერი..

        ბგერები კი ერთდებიან არიებად,
        ნისლიანი შემოდგომის დღეებია,
        ბგერასავით იბადება წამიერად,
        მაღვლიანი სიყვარულის ელეგია...