ჩელუსკინის ვიწრო გამზირს მივყვები
ვეღარ გხატავ, დამიძველდა ფუნჯები.
ფუჭი ... ფუჭზე უფრო ფუჭი სიტყვები,
ლურჯო ცაო, კიდე უფრო ლურჯდები.
ამ ქუჩაზე დღეში ასჯერ ჩავივლი
და ... ასჯერვე მომაპყრობენ მზერას
თან მბეზრდება ჩხავილ-ჩხავილ, ჩხავილი
შენ რო არქმევ ჩემი ლექსის წერას ...
მე მოვირგე კვაზიმოდოს როლი და
ჩაგისაფრდი ჩემ საყვარელ ბოშას
მეშინია არ დამცინო შორიდან
- რას იგონებს? გააფრინა, როშავს ...
შენს ქუჩაზე რაღაც სუნთქვა მიჭირს
ქარი რაღაც მკაცრად არხევს ტოტებს,
ქარსაც ესმის სხვა უბნელი ბიჭის
- შენს ქუჩაზე, ჩემს ლექსის სტროფს ტოვებს ...