ყავით გასვრილო ლამბაქო,
ვინ დაგაფერფლა თამბაქო?!

ჭიდილი უფალს და იაკობს,
გადაღლილს შეახმა ია გობს,
ცაზე კი ვარსკვლავი ციაგობს.

ბავშვმაც კი იცის,რომ ბია
კროსვორდში უბრალოდ კომშია,
ღორმა დაიკვნესა:რკო მშია,
ალგებრამ:კვადრატი რომბია.

Cafe del mar - ში გარსონი
და სახურავზე კარლსონი...
აღარ მორჩილობს ქარს ონი.

კედელზე გაკრული პოსტერი,
რითმები არის პოს მტერი...
სადაც შვებაა და ბორდელი,
იქ სიფილისია,შარლ ბოდლერი.

აპრილმა იცის,რომ მარტი
გარდასულია და მონმარტრი
ეულობს,როგორც ეს ლექსი,
მე არ მასმევენ ელექსირს.

ოხ,რა ბინძურია საკანი,
ცოდვისგან შავდება სად კანი...

ყავით გასვრილო ლამბაქო,
ვინ დაგაფერფრლა თამბაქო?!