მე სურათების ალბომად შევკრავ
ფეხით შემოვლილ ჩემს დედამიწას
ერთგულ გვერდებად მზეს გამოვარჩევ,
ალმასისფერად დამარცვლილ ზეცას...
მერე შენ ზღაპრულ მდინარეებზე,
მთებზე, ტალღებზე არ მოგიყვები-
ჩაგკიდებ ხელს და სამყაროს გზებზე
შემოგატარებ, (მეც მოვირთვები).
მე თუ სამყაროს ათასფრად ვხედავ
შენც დაინახავ, ხელს თუ ჩამკიდებ!
მე ჩემს სიზმრებსაც ფერადად ვხედავ!
შენც დაინახავ -  გულს ჩაგაბარებ!