უსივრცო პოლუსებით დამხრჩვალს,
ვერ გაკვირვებულს, ფეხადგმული მოლუსკებით.
უბოქვნო ბაგეებით სიამოვნებაშეყრილს,
სასოწარკვეთას, შეურიგებელს-
საზოგადოებაში დათობის მსგავსად!
პირველ აღსარებას, არაგულწრფელს,
უდიალოგოს- დამეგობრბეულ შიშებთან!
პირველ ზიარებას, ფრთებისშემსხმელს,
ფილიადქცეულს  - პირველ ონანიზმთან.
არჩევანს მიუღებელს,ჩაუწვდომელს,გასაჩივრებულს
სამყაროს პირსა და სარჩულს შორის.
ჩასახვამდე გარდაცვლილ,სახელდაურქმეველ,
ჯოჯოხეთის ცრუ რწმენისთვის განწირულ ლექსებს,
მარტოობის ჯამბაზად ქცეულ,
მოგონებებით დაჯავშნულ-
გამოგონილ სიძლიერეს.
იდეალებს, გმირებს, ქიმერებს-
ტყულებს, მშიშრებს, არარსებულებს!
კვირა დილით, უსიზმრობის  ნაბახუსევზე,
ტერფებდაგლეჯილი, გაუთავებელ წრეზე სიარულით,
ვუმასპინძლდები ჭიქა ღვინით, საკუთარ პროცესიაზე!