მე და შენ საერთოდ ვერ ვუგებთ ერთმანეთს,
შენთვის სიყვარული მყარია
ჩემთვის მიმდინარე,
მე უბრალოდ მივყვები, ვტკვბები, ვიღებ რაც მინდა დღეს...
შენ წინ იყურები, ეძებ გარანტიებს, მომავალს,
გინდა რომ ბედნიერი იყო ხვალ...

ზოგჯერ ვცდილობ რომ გაგექცე, დაგემალო,
არა იმიტომ რომ არ მიყვარხარ,
არა იმიტომ რომ მომბეზრდი,
უბრალოდ არ მინდა ვიყო ანგარიშვალდებული,
არ მინდა გრძნობა ვალდებულებად მექცეს
ვერ ვიტან...

ვერ ვიტან როცა იცი ყოველი ჩემი ნაბიჯი,
ვერ ვიტან როცა მეძებ განუწყვეტლივ,
ვერ ვიტან მილიონჯერ გამეორებულ ფრაზას: მიყვარხარ.
თითქოს დარწმუნება გჭირდება ამაში
და მე აღარასდროს არ გეტყვი მაგ სიტყვას
მე გამოგიყვან ილუზიებიდან,
განახებ რომ სიყვარული მხოლოდ სიტყვაა
რომელიც თუთიყუშმაც კი იცის...

შენთვის სიყვარული მყარია...
მე ყოველ საღამოს ქარი ფანჯრებს მინგრევს...