ღამის ლამპიონი მომენატრა,
არყის ბოთლი მომენატრა ხელში
ღამის ლამპიონის ქვეშ.
საფეთქლებზე შემომხტარი სისხლი
მომენატრა.
ჩემი გოგო მომენატრა,
ფიქრი მომენატრა ჩემს გოგოზე.
ნიცშე მომენატრა
და
ზარატუსტრას უღმერთო ღმერთიც.
ნოემბრის წვიმაში გალაკტიონთან
გიტარით,
არყით,
ნაპოვნი Fანტით
და კანფეტით
ასვლა მომენატრა პანთეონში.
წერა მომენატრა ემოციებზე.
ემოციები მომენატრა
ღამის ლამპიონის ქვეშ
ღამის 4 საათზე.
თბილისი მომენატრა
დილის 6 საათზე.
მეგობრები მომენატრა
სანამ ღამის ლამპიონამდე მივალ.
დაკვრა მომენატრა
ღამე ტროტუარზე
მარტოს.
ლექსი
და
სათქმელი
მომენატრა
არაფერზე.
არაფერი მომენატრა არაფრისთვის.
არაფრისთვის მომენატრა
"ჩვენ".
მე მომენატრა "მე".

დასასრული.(წერტილი) დასაწყისი

(სათაური)
=ავტოპორტრეტი-ავტობანერი=