შეხედე ჩემს ხელს,
რა სუსტია, როგორ კანკალებს,
ფიქრით თითებში გამოვწურე გული მკერდიდან,
შენ კი გეგონა სასთუმალთან კოცნიდი ჩემს ხელს,
არადა, მაჯას თვითონ ჩემი გული ეკიდა.
შეხედე ჩემს გულს,
ახლა ძლივსღა ფეთქავს თითებში,
ხელის გაჭრა და... დაიქცევა სისხლის წვეთებად,
სადღაა გული, საგულედან მომწყდარი ერთ დღეს
თოვლივით გაჰყვა ყოველდღიურ ხელისშეხებას.
შეხედე ჩემს ხელს,
უკანასკნელს გულის ფეთქვას გავს,
თითები ახლა მომაკვდავი ჩიტივით თრთიან...