URAKPARAKI

ავტორი: წკეპლა
ჟანრი: პროზა
29 ივნისი, 2011

შეწყვეტილი ლოცვა (ასი სიტყვა)

(2008 წელს შინდისის ბრძოლაში დაღუპულ მეომრებს)

-ტყვედ არ ჩაგბარდებით! არც ჩემს ნათლულს დაგანებებთ! – ყვიროდა მუხლებზე დაცემული ვაჟკაცი და თან მთელი ძალით იკრავდა გულში დაჭრილ მეომარს, ვის დანებებასაც მტრისთვის არ აპირებდა.
-წადი სანამ გაქცევა შეიძლება, მე მაინც აღარაფერი მეშველება.... ერთი ტყვია დამიტოვე მხოლოდ და წადი! – კვნესოდა დაჭრილი.
-არა!!! ჩემთან ერთად გაიმეორე, რომა: “მამაო ჩვენო, რომელი ხარ ცათა შინა....”
-“მამაო ჩვენო...”
აფეთქებამ გაუმაძღრად შთანთქა ლოცვის ხმა და კიდევ ორი სიცოცხლე....

****

დიდხანს იდგა მტრის რაზმის მეთაური თორმეტ სიცოცხლგამოცლილ გმირთან და აცრემლებულ თვალებში ტკივილი ეხატებოდა....
-ეჰ! ასეთი ბიჭები რომ მყოლოდა....-ჩაილაპარაკა და ჩუმად დატოვა იქაურობა.

****

ჩვიდმეტი დღის შემდეგ მიცვალებულთა გამოსაყვანად წასული პატრიარქი აგრძელებდა შეწყვეტილ ლოცვას: “აცხოვნე უფალო ღვთივდაცული ერი ჩვენი....”

გადმოწერეთ PDF ფორმატში

კომენტარები

ილუსტრაციები

რეცენზიები

32. საერთოდ როცა ნამდვილ ამბავს ვკითხულობ ყოველთვის მიმძიმდება წარმოსახვაც და შეგრძნებებიც... ასე მოხდა ახლაც...

ამიტომ ვერ შევაფასებ როგორც ლიტერატურულ ნაშრომად... (პრინციპში არცაა ეს საჭირო) რადგან ემოცია მოიტანა ისედაც...

დიდება გმირებს! დიდება გმირებს! დიდება გმირებს!

პატივისცემით: გიგარიონი

ბლაგვი. 2012-06-30 00:29:35

31. დუმილი!

მუხა. 2012-06-28 21:18:31

30. ილუსტრაციებში, ალაზნისპირელო.
ნია-კო, მადლობა... :-*

წკეპლა. 2011-08-25 13:46:01

29. სად შეიძლება ამ ფოტოების ნახვა ნია-კო?

ალაზნისპირელი. 2011-08-25 13:44:02

28. ფოტოები დაგიდე. ერთზე ალეკო ონიანია, რომელმაც ნათლულთან ერთად თავი აიფეთქა

ნია-კო. 2011-08-25 13:42:22

27. მადლობა, ჩემო კარგო...
მე მგონია, რომ ქართველებს ეს სისხლში გვაქვს :)

წკეპლა. 2011-08-25 13:40:34

26. უმაგრესია ეს ასი სიტყვა და უპირველესი......

მე ერთ-ერთ იმათგანს პირადად ვიცნობდი და თავს ვიხრი გმირების წინაშე.......

ნეტა ყველას შეეძლოს, რაც მათ შეძლეს.....

ამაზე როგორ უნდა თქვა არ მომწონსო...

გაიხარე ავტორო გაფასებთ........

ალაზნისპირელი. 2011-08-25 13:34:55

25. ჩემი შეფასება: 2

არტემიდა. 2011-08-25 13:25:25

24. შარშანდელი "ასი სიტყვა" იყო ეს, ნი... გავიდა ორმოცდაათეულში, მაგრამ მიზეზთა გამო არ გამოიფინა გამოფენაზე :)
ძალიან მტკივნეულია ეს ყველაფერი, შენ კი ძალიან თბილი გული გაქვს :-*

წკეპლა. 2011-08-25 13:22:04

23. წელს, ზუსტად იმ დღეს, როდესაც ეს ბიჭები შინდისის მიწაზე გმირულად დაეცნენ, ანუ 11 აგვისტოს, ვიყავი ჩასული შინდისში. ვიდექი და უხმოდ ვტიროდი... ვიდექი და მხრები მიცახცახებდა, როცა ვუყურებდი დედებს, მეუღლეებს, შვილებს... და განსაკუთრებით მამების დანახვამ იმოქმედა. გული ამომიჯდა ლამის, როცა ვხედავდი, როგორ გაქვავებულებივით იდგნენ შვილების სურათებთან და როგორ მალავდნენ ცრემლს...
უჰ, წკეპლავ... ვინც უნდა იყო, განა აქვს მნიშვნელობა?.. მეტკინა ძალიან...

ნია-კო. 2011-08-25 13:19:43

22. ესე იგი მოგეწონათ, რევაზ? დიდი მადლობა :)

წკეპლა. 2011-07-01 22:16:56

21. ..............................სიტყვები მართლაც არ მაქვს.

სერგეი. 2011-07-01 22:12:38

20. დიდი მადლობა, ქალბატონო ნანა :) მე მომწონს თქვენი ნაწერები :-*

წკეპლა. 2011-06-30 22:30:40

19. 17. კი, გეთანხმებით, ორმაგი უარყოფაა

ამ ტკივილის მოქცევა 2 სიტყვაშიც შეიძლებოდა: მუხათგვერდის სასაფლაო
კატიე. 2011-06-30 14:56:27

ალბათ, შეიძლებოდა, მაგრამ კონკურსის ერთ-ერთი პირობა იყო, რომ ნაწერი ასსიტყვიანი უნდა ყოფილიყო და ამასთან, ალბათ დამეთანხმებით, რომ ეს ნაწერი იმ ორ სიტყვაზე ბევრად ეფექტური, ლიტერატურული და სრულია :-*

წკეპლა. 2011-06-30 22:30:00

18. მე ფინალმა მომიტნა განცდა...პატრიარქის დამთავრებულმა ლოცვამ...

ჭა. 2011-06-30 16:50:58

17. კი, გეთანხმებით, ორმაგი უარყოფაა

ამ ტკივილის მოქცევა 2 სიტყვაშიც შეიძლებოდა: მუხათგვერდის სასაფლაო :(

კატიე. 2011-06-30 14:56:27

16. ნია, დიდი მადლობა :) ბანალურია, მაგრამ გემოვნებაზე არ დაობენო და... ნურც ჩვენ ვიდავებთ. დაე, არ მოეწონოთ :) კიდევ ერთხელ მადლობა, რომ წაიკითხეთ და მოიწონეთ :-*

წკეპლა. 2011-06-30 13:40:53

15. მომეწონა.... და საერთოდაც, ეს ისეთი მძიმე თემაა, ვისაც გულის ნაცვლად ქვა არ აქვს ყველას უნდა მოეწონოს.

ნია მაჩაბელი. 2011-06-30 13:38:40

14. 7. არ მიმწკეპლო... არ მომწონს ვისი ნაწერიც არ უნდა იყოს

კატიე. 2011-06-30 00:30:28

ისე, ქალბატონო კატიე, თქვენი მეორე წინადადება შეცდომით არის დაწერილი :) სწორი იქნებოდა, თუ დაწერდით: "არ მომწონს, ვისი ნაწერიც უნდა იყოს" :) :) ;)

წკეპლა. 2011-06-30 13:35:06

13. დიდი მადლობა, "დორიენ" :) :)

წკეპლა. 2011-06-30 13:31:24

12. საოცარი კომენტარებია აქ:)

მშვენიერი 100 სიტყვაა..

დორიან გრეი. 2011-06-30 13:30:10

11. მადლობა ჩემს ერთ–ერთ რჩეულ ავტორს :)

წკეპლა. 2011-06-30 13:29:33

10. მე ვფიქრობ ,,ასი სიტყვით` მშვენივრად ითქვა სათქმელი, ემოციაც დატოვა...

იურისტ.... 2011-06-30 10:29:18

9. კატიე, რატომ გამიმეორე ეგ ტექსტი? განა ვთქვი, რომ უნდა მიგწკეპლო? :) მე მაქვს უფლება აქ განვათავსო ჩემი ნაწერები, ხოლო თქვენ (მკითხველს) გაქვთ უფლება მოგეწონოთ ისინი, ან არ მოგეწონოთ ;)

დავით, იცით ვინა ვარ??? ნუთუ??? ;)

წკეპლა. 2011-06-30 00:34:37

8. eseigi piradshi momwere da vici vinca xar:D:D:D

დავით მოსეშვილი. 2011-06-30 00:32:05

7. არ მიმწკეპლო... არ მომწონს ვისი ნაწერიც არ უნდა იყოს :(

კატიე. 2011-06-30 00:30:28

6. ნეტა საიდან გახსოვთ, ბატონო დავით? გამოფენაზე არ ყოფილა :) :)

წკეპლა. 2011-06-30 00:20:46

5. asi siTyva meTi uket rogor unda daasvelo? maxsovs es naweri,sakmaod kargad,magram avtors ver vixseneb. momewona friad. +++++

დავით მოსეშვილი. 2011-06-30 00:18:57

4. :) :) მადლობა, რომ წაიკითხეთ...
და კიდევ მადლობა ყველას, ვისაც წაკითხვა დაეზარა, ან მეტსახელი არ ეცნო, ანაც ჩვეულებრივი წევრის ნაწერის წასაკითხად დრო დაენანა და ა.შ. ყვეეელას, ყვეეეეელას, მადლობა :))

წკეპლა. 2011-06-30 00:12:10

მძიმე რეალობაა,მართალია,მესმის ეს ყველაფერი მაგრამ როგორც პროზა,ჩემთვის მაინც მშრალია,მხოლოდ ემოციურ მხარეზეა ორიენტირებული და ამ გზით მიმართული,ანუ ჩემთვის პროზა მაინც სხვა რამეა,მეტი მხატვრულობა სჭირდება,მეტი "სხვა თვალი" ასე ვთქვატ,რომელიც უცხო მხრიდან დაგანახებს ყველაფერს და არა ასე პირდაპირ,ანუ ფოტოგრაფიაშიც რატომ მომწონს ფოტოშოპის გამოყენება(მომხრე ვარ)იმიტომ რომ მეტ დატვირთვას აძლევს,წინა პლანზე გაძლევს წამოწევის საშუალებას იმისას,რაც გინდა რომ მნახველს თვალში მოხვდეს,მეთ სიმძაფრეს მატებს,მეტ აღქმებს იძლევა..ისევეა ჩემთვის ხელოვნების სხვა დარგებიც,ამ სემთხვევაში პროზა,არაა აუცილებელი პირდაპირ ტრიალ მინდორზე დააყენო ადამიანი,როცა შესაძლებელია რომელიმე ხის უკან დამალო და თუნდაც ნახევარი სახე გამოუჩინო და დადგე შორს...(ჩემთვის ასეა)...: ))

აპათია. 2011-06-29 23:23:11

2. არ მიმწკეპლო... არ მომწონს :(

კატიე. 2011-06-29 23:22:31

1. სასტიკი რეალობა:(

მ-ე-რ-ცი. 2011-06-29 22:34:08