სიყვარულის ძალას

გაზაფხულთან ერთად შენთვის,
გული მღერის ისევ,
შენ ფიქრებში დანავარდობ,
მოგონებებს მისდევ.

თვალთა არე სილამაზით,
მშვენებით არს სავსე,
გულში აზრი ჩამეკონა,
გეამბორო წამსვე.

მაგრმ ვიცი მონატრებას,
სული ვეღარ უძლებს,
და გადაშლის კიდევ ერთხელ,
სიყვარულის ფურცლებს.

ვინ წარმოსთქვამს გული სატრფოს,
წიგნად უძღვნის სალამს,
სადაც დიდი რუსთაველი,
სიყვარულსა ჰმალავს.

სადაც იგი ათქმევინა,
ენა მისცა კალამს,
და ყოველი დაამონა,
სიყვარულის ძალას.

ვინ ბავშვივით აატირა,
ვინც რომ ცრემლსა ჰმალავს,
სად სიკეთეს ბოროტისგან,
ერთგულება სძალავს.

სადაც მტერს მოყვასი,
მოწყალებით ჰფარავს,
მე უგულოც დავემონე,
სიყვარულის ძალას.