შენ – მწვანე შუქი გზის ბოლოდან,
მე, მოძრაობა დასაშვები,
გეზი – შენამდე.

შენ – ქუჩის ბოლო მოსახვევი,
გაწოლილი სახით სხვა მხარეს,
სხვა ქუჩისკენ.
მე მისამართი –
სადაც გზის კვეთა არ გულისხმობს,
გაჩერებას.

შენ – ფასადები, რეკლამები , ლამპიონები.
ანუ სინათლე ხალხის თვალში და
ხალხისათვის.
მე მიწის მტვერი,
ნეილონის უფერო პარკი,
ნაგავსაყრელთან მიგდებული
ერთჯერადი ხელსახოცი.
იერსახე მაქვს გამოდგომილის,
დანიშნულება – დაკარგული.
ზედმეტი ბარგი
და დღე–დღეზე რომელიღაც მეეზოვე
ცოცხსაც მომიქნევს.

შენ ცეცხლსაშიში ნიშა გადევს,
ფეთქდებადი ხარ.
გერიდებიან, გიფრთხიან და
მაინც ვარგიხარ.
თვალყურს გადევნებს ათი ქუჩა,
ასობით თვალი,
ჩემსკენ თუ ვინმე მოიხედავს –
ბომჟი ან მთვრალი.

შენ – მწვანე შუქი გზის ბოლოდან,
მე, მოძრაობა დასაშვები,
გეზი – შენამდე.