ნაწარმოებები


გამარჯვებას ვუსურვებთ გმირ უკრაინელ ხალხს რუს აგრესორზე.     * * *     დიდება უკრაინას !!! Сла́ва Украї́ні !!!

ავტორი: შალვა
ჟანრი: პოეზია
28 ოქტომბერი, 2011


გიმღერებ!

მე მდუმარე ვარ, გულში ვღიღინებ,
ამ მდუმარებას აქვს თავის ეშხი,
გიმღერ, თუ ასე შენ არ მიმიღებ,
ჩემი ჰანგები დარჩება შენში.

როს ჩავისუნთქავ უკანასკნელად
შენი სურნელით გაჟღენთილ ჰაერს,
ჩემი სხეული დადნება ნელა,
თითო კურცხალი მოსწყდება თვალებს.

მაგრამ გიმღერებ ისე ძლიერად,
ვით მზე აღვიძებს მძინარე იას,
რომ მოგინდება გულში ჩამიკრა,
მანამ გავქრები, იქნება გვიან...

                                                01.06.08 - 01:06:08

კომენტარები ილუსტრაციები რეცენზიები