მწვავე ნერვიული აშლილობა,
ანუ საბოლოოდ მოიშალა
– ჩემი კლავიშებად დაწყობილი
– ყველა ნერვიული საფეხური,
შენ რომ ასე მშვიდად გატარებდნენ.

ახლა დემონს მინდა გადარებდე,
ჩემი ყველა ტანჯვა მოგაკერო
– ფართო ბეჭებზე
და არ გამიშვა.

მარტო ვერ ვივარგებ ცოდვის მზიდად,
მსურს მაზოხისტურად მაწვალებდე,
ხანაც გიყვარდე და ხანაც კიდევ,
შენი უსასრულო თვალებიდან –
ზიზღის ნაპერწკლები მეყრებოდეს.